Ob ick in München an de Isar stoh,
Ob in Berlin ick unnern Linden goh,
Ob in New York ick öbern Broadway loop,
Ob ick in London eene lütje Lady drop,
Dor is min Heimat nich, is fremdes Land,
Min Heimat is de Woderkannt.
Stets denk ick an min Voderstadt torüg
Denk an min Hamborg und den Jungfernstieg!
Seh ick am Seemannsbarg den Bismarck ston
Dräum ick von Köllisch und de Reeperbohn,
Seh ick den Hoben, lacht vor Freid min Hatt,
Greut mi min Hamborg, mine Voderstadt,
Greut mi den Michel und de Lombardsbrück
Greut mi de Alster und den Jungfernstieg!
C.J.H.Burmester.
No hay comentarios:
Publicar un comentario